Nafarroako Berrikuntza Digitaleko Poloa IRIS

Poloa Nafarroako berrikuntza-ekosistemako 40 entitate publiko-pribatu garrantzitsuenek osatzen dute.

Poloak hainbat motatako zerbitzuak biltzen ditu:

1. Negozio-estrategia eta edukia

2. Antolaketa eta pertsonak

3. Azpiegiturak

4. Prozesuak

5. Produktua eta zerbitzua

Zerbitzu horiek enpresei eta profesionalei, administrazio publikoei eta herritarrei zuzenduta daude. Eremu horietako bakoitzerako helburu espezifiko bat lortu nahi da:

• Enpresa eta lanbideak: Nafarroako enpresen lehiakortasuna handitzea
• Gizartea, herritarrak: Nafarroako gizartea gizarte digitalizatuago bihurtzea
• Administrazio Publikoak: Herritarrei ematen zaizkien zerbitzuak hobetzea

Enpresa eta lanbideentzako zerbitzuak

Dauden zerbitzuak Nafarroako enpresa eta profesional guztiei zuzentzen zaizkie, haien heldutasun digitalaren maila eta tamaina gorabehera.

Eskura ditugun zerbitzuen artean oinarrizkoagoak eta aurreratuagoak aurkituko ditugu. Hona hemen adibide batzuk:

1. Aholkularitza eta presentzia digitalen garapena: Webguneak, app-ak, sare sozialak, ecommerce, SEO, etab.

2. CRM-ERP, enplegatuaren atariak: Prozesuak edo negozioak kudeatzeko plataformak.

3. "Teknologia disruptiboak": Blockchain, Errealitate birtuala, metaversoa, IA, superkonputazioa...

4. Berrikuntza Digitalen Heziketa Formatu guztietan eta maila guztietarako.

5. Esperimentazioa eta saiakera: Testatzeko espazioak, azpiegiturak eta softwarea.

6. Proiektu digitaletarako finantzaketa-iturriak ezagutzea eta eskuratzea

Gizartearentzako, herritarrentzako zerbitzuak

Poloak mundu digitalera sartzeko nahiz digitalizazioarekin lotutako hainbat arlotan prestakuntza eta sentsibilizazioa eskaintzeko zerbitzuak eskaintzen dizkie herritarrei. Eskura ditugun zerbitzuen artean oinarrizkoagoak eta aurreratuagoak aurkituko ditugu. Hona hemen adibide batzuk:

1. Oinarrizko gaitasun digitalen eta gaitasun aurreratuen gaineko prestakuntza. Ofimatikatik hasi eta programaziora arte, formatu guztietan.

2. Eraldaketa eta berrikuntza digitaleko prestakuntza arautua. Ezagutza maila guztietarako ikastaroak, aurrez aurrekoak eta online.

3. Etika eta legezko eskubideak digitalizazioan. Etikaren alderdiak eta digitalizazioarekin lotutako lege-mugak.

Administrazio publikoentzako zerbitzuak

Poloak digitalizazioaren hainbat alderdi errazten dizkie administrazio publikoei, hala nola afabetizazioa, upskilling (hobekuntza) edo Reskilling (trebetasun berriak eskuratzea).

Eskura ditugun zerbitzuen artean oinarrizkoagoak eta aurreratuagoak aurkituko ditugu. Hona hemen adibide batzuk:

1. Oinarrizko gaitasun digitalen eta gaitasun aurreratuen gaineko prestakuntza. Ofimatikatik hasi eta programazioraino, kudeaketa- eta komunikazio-sistemetatik igaroz.

2. Administrazioko eraldaketa eta berrikuntza digitaleko ereduak eta horiek administrazioaren prozesu klasikoenetan aplikatzea.

3. Blockchain, Errealitate areagotua, superkonputazioa... bezalako teknologia "disruptiboak" erabiltzea zerbitzuak hobetzeko, zibersegurtasuna ahaztu gabe.

Poloaren foku estrategikoa Nafarroa nazioan eta nazioartean kokatzea da, espezializazio teknologikoko 5 arloren garapenean aitzindari den Erkidego gisa.

• Bioteknologia eta biologia sintetikoa

• Zibersegurtasuna

• Datuen Zientzia eta Inteligentzia artifiziala

• Elementu konektatu seguruak eta adimendunak

• Doitasunezko Medikuntza Pertsonalizatua